جربت كثير بادات بأسعار من 80-250 شيكل وماركات معروفة زي logitech/glorious/hyper x/steelseries… وكلو كان كويس لكم شهر بعدين بصير عليها مناطق مهرية ما بيلقط عليها السينسور لحد ما اشتريت strikepad قبل تقريبا سنة استعملتها يوميا و بلعب عليها العاب heavy tracking و الباد لهلا زي ما اشتريتها ما اختلف عليها اشي و فيها مزايا كثير خرافية -الباد داخل بصناعتها زجاج لكن ما بتنعد ماوس زجاج لهيك الباد سريعة جدا اسرع من اي باد قماش جربتها -اسهل من تنظيفها ما في, ريشة غبرا مع محرمة مبللة بتكون جاهز -الباد قاعدتها المطاط من تحت ما بتتحرك نهائيا ما تحركت معي خلال 1500 ساعة ولا مرة -سعرها 120 شيكل بس يعني مقارنة باسعار الانواع الثانية حرام تشتري من الشركات الغالية وهاي جودتها افضل بمراحل المساوئ -بدها تنظيف تقريبا يومي لانك رح تحس بالغبار عالباد وانتا بتتحرك -بايام الصيف مع العرق بصير صعب شوي تستعملها وبلزمها معصم عشان تتجاوز هالمشكلة
